Антонио Рудигер вчера против Шахтјор со својот гол донесе реми на Реал Мадрид кое на „кралевите“ им беше доволно да се изборат за место во следната фаза.

Меѓутоа Рудигер при постигнувањето на голот имаше жесток судир со голманот на украинскиот клуб, па во таа ситуација заработи расекотина на главата. Шпанците подоцна објавија дека докторите морале да употребат дури 20 конци за да ја санираат повредата.

Реномираната „Марка“ успеа да дојде и до фотографија на која може да се види лицето на Рудигер, а на истата може да се види дека едното око на дефанзивецот е целосно затворено.

Реал Мадрид за четири дена го очекува големото дерби против Барселона во Ла Лига, па дефанзивецот ќе води трка со времето да се опорави за оваа средба.

“La camiseta del Real Madrid es blanca, se puede manchar de barro, sudor y hasta de sangre, pero nunca de vergüenza” – Santiago Bernabéu pic.twitter.com/Y7aPlN4zWe

— MARCA (@marca) October 12, 2022