Хенри Кавил, еден од најпосакуваните холивудски актери и неговата партнерка Натали Вискузо се појавија заедно на црвениот тепих на Филмскиот фестивал во Таормина во Италија, речиси шест месеци откако беше објавено дека станале родители.

Тие ретко се појавуваат заедно во јавност, но овој пат се прошетаа на црвениот тепих рака за рака – Кавил во класичен црн костум, а Вискузо во елегантен, долг фустан во боја на праска.

Иако деталите за раѓањето на детето, како што се името, полот или точниот датум, сè уште не се споделени со јавноста, во јануари тие за првпат беа фотографирани со количка во Австралија, каде што Кавил во тоа време го снимаше филмот „Волтрон“. Веста дека очекуваат дете ја потврди Кавил во април на премиерата на неговиот филм „Министерството за џентлменска војна“ во Њујорк.

„Многу сум возбуден поради тоа. Натали и јас сме многу, многу возбудени“, рече тогаш актерот.

Да потсетиме, Кавил и неговата 34-годишна девојка се заедно речиси три години, а тој ја откри својата врска во 2021 година кога сподели видео од нив како играат шах.

Двојката го имаше своето деби на црвениот тепих на премиерата на „Енола Холмс 2“ во 2022 година. Натали работи како холивудска телевизиска директорка, а исто така накратко искуси какво е чувството да се биде пред камерата, откако се појави во хитот на Ем-ти-ви, „Моите слатки 16 години“, како тинејџерка.

Супермен доби отказ: Хенри Кавил ја потврди веста и ги разочара фановите