Еден од најпосакуваните ергени во Холивуд, Хенри Кавил (41), го доби своето прво дете со својата девојка Натали Вискузо. Извор близок до семејството ја потврди среќната вест за магазинот „Пипл“, но не откри повеќе детали како што се името, полот или точниот датум на раѓање на бебето.

 

View this post on Instagram

 

A post shared by N a t a l i e (@nviscuso)

Како што пишува „Дејли мејл“, актерот Хенри Кавил станал татко, а набргу потоа се свршил со својата сакана Натали Вискузо.

Актерот Хенри Кавил неодамна бил фотографиран на семејна прошетка со свршеницата Натали Вискузо, но и со нивното прво дете во Квинсленд, Австралија.

Henry Cavill and Natalie Viscuso are engaged! Hollywood hunk’s girlfriend steps out with huge diamond ring on her wedding finger – as the couple welcome their first baby to the world https://t.co/4wcbWm5Ktc

— Daily Mail Australia (@DailyMailAU) January 18, 2025

Сосема вообичаено излегување меѓу новопечените родители се претвори во „ударна“ вест за светските таблоиди, бидејќи папараците фотографирале интересен пар.

Имено, Натали била забележана со, како што пренесува „Дејли мејл“ голем дијамантски прстен на прстот, што веднаш покрена шпекулации дека најубавиот маж на светот се свршил со својата сакана.

За потсетување, 41-годишната ѕвезда на „Супермен“ среќната вест дека ќе стане татко ја потврди во април за „Аксес Холивуд“ на премиерата на филмот „The Ministry of Ungentlemanly Warfare“.

„Навистина сум возбуден поради тоа. Натали и јас сме навистина, навистина возбудени“, рекол актерот.

Кавил и неговата 34-годишна девојка се заедно речиси три години, а нивната врска ја откри во 2021 година кога сподели видео на Инстаграм како играат шах.

Познато е дека Хенри ја цени својата приватност, па не се знае точно кога се свршил со Натали, ниту на кој датум го добиле своето прво дете…

Henry Cavill has leveled up from Superman to Superdaddy! Congratulations ? pic.twitter.com/OUd2N0C3xP

— The Cinema Dog (@thecinemadog) January 18, 2025

Која е Натали?

Натали потекнува од богато семејство, а како тинејџерка била дел од реално шоу на Ем-ти-ви. Станува збор за емисијата „Мојот супер сладок 16“ (My Super Sweet 16).

Нејзиниот 16-ти роденден беше прикажан на шоуто во 2005 година со следниов опис:

„На 15 години, Натали живее во куќа вредна 5 милиони долари и крстари низ градот со бентли и ферари на нејзиниот татко. Што повеќе би посакала?“

Денес, Натали Вискузо е потпретседател на телевизиски и дигитални студија „Леџендари ентертејментс“ (Legendary Entertainment). Таа е една од компаниите зад филмовите на Кавил „Човекот од челик“ (2013) и „Енола Холмс“ (2020 година).

Инаку, Хенри Кавил го толкуваше „Човекот од челик“ во истоимениот филм од 2013 година, па во „Бетмен против Супермен“ од 2016., „Лигата на правдата“ од 2017, како и во проширената, „маратонска“ верзија на последниот филм, издаден 2021 година.

ФОТО | Луѓето избраа: Ова е најзгодниот фраер на планетата!

Супермен доби отказ: Хенри Кавил ја потврди веста и ги разочара фановите