Македонската водителка Елена Најдоски, позната по телевизиската емисија „Живот со стил“, ова лето ужива покрај Јадранското Море заедно со сопругот Бојан Најдоски.

Во моментов, тие се во Котор, но патуваат по црногорското приморје и го посетија монденското летувалиште Порто Монтенегро во близина на Тиват.

Најдоски е една од најдобро стилизираните жени на малите екрани, која е прилично влијателна и на социјалните мрежи во однос на поставување модни трендови. Таа речиси секогаш е добро облечена и неретко прави одлични модни избори.

Па, така и летово, водителката се појави со впечатливи модни комбинации во Црна Гора – како на плажа, така и за вечерните излегувања со нејзиниот сакан.

„Поздрав од рајот“, напиша таа во описот на фотографиите, објавени на Инстаграм.