Музеј на легендарниот бразилски фудбалер Пеле е отворен денес на гробиштата во Сантос во близина на Сао Паоло, каде што е погребан еден од најдобрите фудбалери на сите времиња.

На влезот на музејот поставени две златни статуи од Пеле. На подот е поставена вештачка трева, а ѕидовите се исполнети со фотографии од навивачи на стадион кои непрестано испуштаат звуци како на фудбалски натпревар.

Пеле беше погребан на 3-ти јануаир, пет дена откако почина на 82-годишна возраст по тешката битка со ракот на дебелото црево.

„Овој музеј со многу љубов го направија луѓето кои го познаваа и кои живеаа со него. Ова е приказна за што во суштина беше Пеле“, изјави Едсон Чолби Насименто, еден од синовите на Пеле.

Сите посетители своето доаѓање мораат да го закажат преку официјалната страна на музејот. Пеле го предводеше Бразил до титулата светски шампион во 1958, 1962 и 1970 година. Тој е единствениот фудбалер кој успеал да освои три светски првенства.