Музичкиот продуцент и диџеј Калвин Харис предизвика бурни реакции на социјалните мрежи откако сподели серија интимни фотографии од породувањето на неговата сопруга Вик Хоуп на Инстаграм. Двојката неодамна доби син, кого го крстија Мика, а една необична објава го привлече вниманието на јавноста – фотографија од плацентата.

Емотивните фотографии ги прикажуваат Харис и неговата сопруга во базен за породување, веднаш по раѓањето на нивното бебе. Сепак, она што привлече најмногу коментари беше фотографијата од плацентата и тоа што на Харис наводно ја претворил истата во капсули за консумирање.

Фотографиите можете да ги видите овде.

„Нашето момче Мика се роди на 20 јули. Мојата сопруга е вистинска хероина, длабоко ја почитувам нејзината сила и мудрост. Многу сме благодарни. Те сакаме, Мика“, напиша Харис во описот.

Практиката на јадење плацента, позната како плацентофагија, има свои поддржувачи кои веруваат дека може да помогне во спречувањето на постпартална депресија и обновувањето на телото, но научната заедница останува скептична. До денес, нема цврсти докази што ги поткрепуваат овие тврдења.

Очекувано, објавата на Харис предизвика поделени реакции. Додека многумина им честитаа на двојката за нивното ново бебе и ја пофалија нивната отвореност, имаше и такви кои сметаа дека некои од сликите можеле да останат приватни.

„Честитки, но сликите од плацентата се навистина премногу морничави“, „Не очекував да видам ваква фотографија за време на ручек“, „Што е тоа на последните две фотографии, зошто“, беа само дел од коментарите.

 

View this post on Instagram

 

A post shared by Calvin Harris (@calvinharris)

Некои, исто така, изразија поддршка за одлуката на Харис да го сподели целото свое искуство:

„Ви благодарам што го нормализиравте породувањето дома и ја покажавте реалноста“, „Големо браво за вашата искреност и транспарентност“.