Фото: Инстаграм/Мија Стерјовска

ФОТО | Македонката Мија Стерјовска е победничка на „Мис Медитеран 2023“

Македонката Мија Стерјовска е победничка на годинашниот избор за убавина „Мис Медитеран“, кој се одржа вчера во Киренија, Кипар.

Веста ја сподели модното студио „Црнокрак“, кое е во сопственост на двојката Светлана и Мики Црнокрак.

„Победа за Македонија и модното студио ‘Црнокрак’. Мија Стерјовска е новата Мис на Медитеранот“, напиша Мики Црнокрак на Фејсбук.

Ова не е прва награда за Стерјовска на меѓународен избор на убавина. Минатата година, 18-годишната убавица ја освои титулата Втора придружничка на „Мис Европа“, во конкуренција од 30 девојки од целиот континент.

„Горда сум што ја претставив Македонија во најдобро издание. Ова е мој прв избор и за цело време голема поддршка и помош добивав од мојата цимерка Ана Брзанова и таа има голем дел од заслугата за мојата титула. Благодарност до Светле и Мики Црнокрак кои веруваа во мене, како и до компанијата ‘Рапид Билд доо Куманово’, која ми го овозможи патувањето во Бејрут. Овде морам да ја спомнам и Невена Димковска која ми ги обезбеди најголемиот дел од свечените тоалети во кои продефилирав за време на 15-дневниот престој во Либан“, изјави Стерјовска во таа прилика.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот