Македонската фудбалска А репрезентација годинава може да испише историја за прв пат во нејзината историја обезбедувајќи пласман на Светско првенство.

Нашите најдобри фудбалери предводени од селекторот Благоја Милевски во неделата во Скопје убедливо со 5:0 го совладаа Лихтенштајн за три важни бодови во квалификациите за пласман на Мундијалот во 2026 година.

Моментно во квалификациската група Ј води Македонија со 11 бодови од пет натпревари, следува Белгија со 10 бодови, но од четири одиграни натпревари, а трет е Велс исто така со 10 бодови, но од пет одиграни мечеви.

И натаму сѐ е отворено во оваа група, клучните дуели ќе се играат во следните два месеци. На 10 октомври во Гент ќе се соочиме со Белгија, а три дена подоцна во Скопје ќе го пречекаме Казахстан. Последниот меч нашата селекција ќе го има на 18 ноември во Кардиф против Велс.

Претходно на 13 ноември како подготовка за средбата со Велшаните, македонската селекција ќе игра пријателски натпревар против Летонија. Засега нема потврда од ФФМ за одигрување на контролен меч меѓу двете селекции, а стои во најавата на официјалниот сајт на летонската фудбалска федерација во распоредот на натпревари.