Лана Дел Реј (37) е „фатена“ во едно од нејзините ретки излегувања на плажа во Рио де Жанеиро по настапот на фестивал.

Пејачката поминала сончев ден во друштво на пријатели и колеги, а била толку расположена што не ѝ пречеле блицовите на фотоапаратите.

Лана уште еднаш изненади со својот изглед, бидејќи промената од почетокот на нејзината кариера е многу очигледна. Публиката ја памети како девојка со софистициран и природен изглед, но со текот на времето таа се промени. Денес луѓето тешко ја препознаваат, но изгледа дека тоа неа воопшто не ѝ пречи, таа само максимално ужива во животот.

Пејачката подлегна и на естетската хирургија, а многумина се убедени дека физичката промена настанала како последица на лошо извршените корекции.

Лана извесно време не се појавуваше во јавноста, а потоа во 2021 година изненади милиони фанови со дури два албума „Chemtrails over the Country Club“ и „Blue Banisters“, а сними и џез албум со преработки на песни од музичарот Фадер Џон Мисти.