На терен со тежок пристап во Македонски Брод, утрово шумочуварските служби пронашле неколку купчиња сено подготвени за палење, токму на локации каде што изминативе денови пожарникарите се справуваат со бројните шумски пожари.

„Ако некој се прашува зошто пожарите не можеме брзо и лесно да ги ставиме под контрола, ова е еден од одговорите. Неверојатно, но некој намерно поставува нови жаришта. Тоа не е само криминал, туку и директна закана за човечки животи, шуми, животни и имот“, изјави Кире Михаилов, заменик директор на ЈП „Национални шуми“.

Шумочуварите посочуваат дека се работи за намерно подметнување пожари, бидејќи сеното било стратешки поставено на локации со суви тревни површини и без лесен пристап за возила.