Коњи и магариња пасат во тетовскиот скејтепарк, каде што тревата со недели не е искосена од ЈКП Тетово, објави Порталб.

Граѓаните и сопствениците на фирми што се наоѓаат во близина на паркот, реагираат за неодржувањето на паркот.

„Веќе неколку дена животните се тука, не си одат. Никој не ја коси тревата. Како да е штала местово“, вели еден од сопствениците на фирми во близина на паркот.

„Ова не е во ред, тие го загадуваат паркот и околината. Надлежните не преземаат мерки“, вели граѓанин.

Во меѓувреме, од претпријатието ветија дека во текот на оваа недела ќе интервенираат и ќе го решат проблемот.

Слободните јавни зелени површини во Тетово како што објави денеска Слободен печат не се оддржуваат.

Урбаната опрема во „Жена паркот“ како клупи и реквизити за вежбање или е украдена или е оштетена. Слична е сликата и во „Скејт паркот“, каде деновиве се напасува добиток, кој е лоциран веднаш до „Жена паркот“.

Граѓаните велат дека младите особено во вечерните часови ги уништуваат парковите. Треба да има повеќе контрола, но и казни за тие кои ги вандализираат јавните површини. Дел од нив забелешки упатија и до ЈКП Тетово, претпријатие кое мора повеќе да обрне внимание на оддржување оти и тие малку зелени површини кои ги имаме, не се косат редовно, а на места има отпадоци.

ФОТО: Најголемиот парк во Тетово не се одржува, урбаната опрема уништена или украдена