Од самиот почеток на нивната врска, а потоа и бракот, Ричард Гир и Алехандра Силва станаа главна тема на таблоидите, најмногу поради 33-годишната разлика меѓу нив. Меѓутоа, во нивниот случај се покажа дека оваа разлика не значи апсолутно ништо бидејќи тие совршено функционираат.

Во 2018 година, кога Ричард Гир и Алехандра Силва објавија дека имаат намера да се венчаат и планираат да го прошират семејството и покрај разликата од 33 години, малку е да се каже дека јавноста остана во шок. Во тоа време, извор близок до парот рече дека двајцата се „неверојатно среќни“ и со нетрпение ја очекуваат заедничката иднина.

Шест години подоцна нивната љубов е посилна од кога било, а колку Гир е заљубен во убавата Шпанка покажува и фактот што поради неа решил да ги спакува куферите и да ја напушти Америка за да биде со неа и нивните синови Александар (5) и Џејмс (4) и да започне нов живот во нејзината татковина.

Гир денес има 75 години, а поради Алехандра се согласил уште еднаш да менува пелени. Тој доби два сина кога имаше повеќе од 70 години и денес вели дека не жали за тоа. Алехандра покажа колку и значи кога му посвети роденденска честитка.

„После неверојатни 11 години заедно, сè уште се чувствувам како првиот ден кога се запознавме. Патувањето што го споделивме, убавото семејство што го изградивме и спомените што ги создадовме е нешто за што никогаш не можев да сонувам. Со тебе животот ми е подобар во секој поглед и благодарна сум што те имам покрај мене“.

Три месеци подоцна, Гир објави дека целото семејство ќе се пресели во Шпанија во ноември 2024 година. Ја стави на продажба куќата што ја имаше во Америка и тргна на ново животно патување.

„Мојата сопруга е Шпанка и се селиме таму поради нејзиното семејство, нејзините пријатели и нејзината култура. Децата зборуваат и шпански, така што таму ќе им биде одлично“, изјави Гир.

Која е Алехандра Силва?

Алехандра Силва раководи со „Rais Fundacion“, непрофитна организација која има за цел да го искорени бездомништвото во Шпанија во следните пет години. Таа често јавно зборува за својата мисија, а призна дека дури и „спиела на улица за да ја разбере борбата на бездомниците“.

„Не се плашам да ги засукам ракавите и да се фатам за работа. Ако правам нешто, вложувам 100 проценти труд во тоа, а ако не можам, претпочитам да не го правам тоа“, рече таа.

Нејзиниот татко, Игнасио Силва Ботас, е успешен бизнисмен кој го преселил своето семејство во Мадрид кога Алехандра била мало девојче. Таа пораснала во елитните кругови на Мадрид и посетувала некои од најдобрите приватни училишта во градот. Нејзиниот татко беше потпретседател на Реал Мадрид од 1995 до 2000 година, па таа била блиска пријателка и со играчите на тој фудбалски клуб, а беше во врска и со Роберто Карлос.

Ричард Гир го познавала со години. Како што еднаш рече, „универзумот беше на нејзина страна“ кога станува збор им бил семеен пријател. Иако на првата средба веќе почувствувале взаемна привлечност, врската ја започнале дури години подоцна.

„Нашите карми се привлекоа штом се видовме. Не ја игнорирам нашата разлика во години и сето она што значи да се биде со холивудска ѕвезда, но кога има толку силна кармичка енергија, сите проблеми исчезнуваат“, смета Алехандра.

Таа одржувала врска на далечина со актерот од 2015 година.

Се гледале кога нивните деца од првите бракови биле со нивните поранешните партнери. Но, сфаќајќи дека повремено гледање не е доволно, Алехандра била првата која решила да се пресели во Њујорк и да започне да живее со Гир. Се венчале на тајна церемонија во април 2018 година, организирајќи забава во неговиот имот во Паунд Риџ, Њујорк. Бидејќи и двајцата се обожаватели на будизмот, поканиле и неколку тибетски монаси на свадбата.

Гир го има синот Хомер Џејмс Џигме од бракот со поранешната сопруга Кери Лоуел, а Алехандра го има синот Алберт од бракот со Говин Фридланд, синот на американскиот милијардер Роберт Мартин Фридланд. Тие заедно го добија синот Александар во февруари 2019 година, а потоа во април 2020 година се роди Џејмс.