ФОТО | Ќерката на најубавата кралица на светот го роди своето прво дете
Јорданската принцеза Иман и нејзиниот сопруг го добија своето прво дете, а девојчето го нарекоа Амина, објави кралската палата во неделата на социјалната мрежа Икс.
Препорачано
Родителите на Иман, кралицата Ранија и кралот Абдула Втори му честитаа на парот.
View this post on Instagram
„Нашата радост поради доаѓањето на драгата Амина е голема како светот. Честитки за Џамил и Иман“, напиша кралицата Ранија на арапски на Инстаграм.
„Честитки на мојата драга Иман и драгиот Џамил за нивната новородена ќерка Амина“, додаде јорданскиот крал, објавувајќи фотографија на која го држи бебето в раце.
View this post on Instagram
Да потсетиме, Иман и финансиерот и инвестито со венецуелско потекло Џамил Александар Термиотис се венчаа во март 2023 година. Церемонијата траеше само 15 минути, а парот го изговори судбоносното „да“ во палатата Беит Ал Урдун. Меѓу гостите на свадбата беше и Рим ал Али, принцеза со хрватски корени.
Невестата носеше бел фустан со долго здолниште и дијамантска дијадема. Венчаницата со висока јака и детали од тантела на горниот дел и рабовите на ракавите е дело на модната куќа „Диор“. Принцезата носеше и долг превез од тул кој на местото го држеше дијадема.
Во пресрет на венчавката, кралицата Ранија одржа емотивен говор.
„Секоја мајка знае дека по извесно време нејзината ќерка станува како пријателка. Затоа е тешко да се знае дека таа нема да биде секогаш до мене. Но Иман брзо порасна и стана убава невеста”, рекла меѓу другото.
Амина е втората внука на кралицата Ранија и кралот Абдула. Нивната прва внука, родена во август, е ќерка на престолонаследникот Хусеин бин Абдула и принцезата Раџва Ал-Хусеин. Таа беше наречена Иман во чест на својата тетка.
Да потсетиме, Ранија пораснала во Кувајт, а својот сопруг го запознала случајно, на една вечера во 1993 година. Тие се венчаа истата година, со што Ранија стана јорданска принцеза. Таа стана кралица во 1999 година, кога Абдула ја презеде улогата на крал, а неа ја прогласи за кралица. Заедно имаат четири деца.
Штом стана принцеза, светските медиуми се распишаа за нејзината убавина, а подоцна ја нарекоа „најубавата кралица на светот“. Покрај убавината и префинетиот моден вкус, Ранија е позната и по својот интелект и како голем борец за правата на жените на Блискиот Исток. На Инстаграм ја следат повеќе од 10 милиони луѓе.
Кралицата Ранија од Јордан е неприкосновена модна владарка: Овие трендови ги обожава!
ФОТО | Ужива во улогата на баба: Кралицата Ранија објави преслатка фотографија со внуката
