ФОТО | Ќерката на Мики и Светлана Црнокрак се закити со титула Мис Фотогеничност на Мис на Европа
Постарата ќерка на манекенскиот пар Црнокрак, Моника од најрана возраст ги следи стапките на своите родители. Младата убавица досега има учествувано на бројни избори за убавина каде гордо ја претставува нашата земја.
Во главниот град на Либан, Бејрут се одржа изборот за Мис на Европа за 2023 година. Нашата држава ја претставуваше 24-годишната убавица Моника Црнокрак, која се закити со титулата Мис Фотогеничност, во конкуренција на 35 девојки од исто толку европски држави
Препорачано
Победничка, односно Мис на Европа за 2023 година е претставничката на Италија, а Прва придружничка е кандидатката од Русија. Изборот се одржа во театарската сала на „Casino Du Liban“ во Бејрут, во организација на „Aja Production“ од Либан, која традиционално, со години овој најголем европски избор за убавина го одржува во Бејрут.
„Во Либан поминавме прекрасни две недели со другите кандидатки од цела Европа во подготовки за големото финале, но и со многу забави, дружење и прошетки низ целиот Либан, кој на мене остави навистина фантастичен впечаток. Пресреќна сум поради титулата која ја освоив за мене, Македонија и Модното студио Црнокрак, ова e едно прекрасно искуство кое сигурно кје го паметам цел живот“, изјави веднаш по финалето од Бејрут нашата Моника, која е ќерка на Светлана и Мики Црнокрак, сопствениците на „Модното студио Црнокрак“, кое ја поседува лиценцата за нашата држава за овој најголем европски избор за убавина.
