Максимално провокативните стајлинзи се светски моден тренд и бројни познати личности со задоволство го прифатија овој тренд – некои од нив прилично ја изненадија јавноста како актерката Оливија Вајлд која неодамна ги откри голите гради присуствувајќи на ревија во склоп на Модната недела во Париз.

Ново модно издание во тој популарен стил беше забележано и деновиве во француската престолнина, на ревијата на модната куќа „Сен Лоран“.

Новиот тренд го носела ќерката на поп кралицата Мадона и Карлос Леон, Лурдес Марија Чиконе Леон. Таа се појавила во костим кој буквално се носи од глава до пети, потполно е проѕирен, а Лурдес под него не носела градник, односно само облекла минијатурни црни гаќи. „Дискретно“ го покажала тоа, така што го соблекла палтото на едното рамо, а за провокативноста на стајлингот придонеле и минијатурните црни гаѓи, кои ќерката на славната пејачка ги носела високо подигнати на колковите.

Лурдес гордо позирала пред фотографите, а со оглед на нејзините претходни модни изданија, очигледно е дека многу не ги следи трендовите, дури и им се спротивставува. Но, голотијата како стил стана толку популарна на светската сцена, така што не нè чуди што и ќерката на Мадона ја следи таа насока. Покрај тоа, таквиот провокативен начин на облекување или соблекување се вклопува со нејзиниот моден вкус.

Водечкиот тренд едни го обожаваат, додека други го оценуваат како многу вулгарен.