Голем успех оствари Катерина Ацевска на Европското првенство во Питешти, Романија, во џиу-џицу, за натпреварувачи до 16, 18 и 21 година.

Македонската натпреварувачка во категоријата +70 кг. (У21) успеа да го освои сребрениот медал.

Во борбата за златото Ацевска загуби од Германката Лота Сандер (0-50), а претходно на патот до финалето оствари две победи.

Ацевска на ЕП славеше триумфи против Жаде Сеел од Франција (50-0) и Дијана Скрупниук од Украина (50-0). Сите резултати од оваа категорија можете да ги погледнете ТУКА

Нашите останати членови Јаким Колевски, Антонио Стојчески и Данил Николиски и покрај храбрите и одлични борби не успеаа да дојдат до еден од медалите. Со оглед на сериозноста на турнирот собраа многу искуство што носи едно вакво Европско првенство.

Најуспешна земја на Европското првенство е Грција со 18 златни медали, а по 17 имаат Романија и Украина.