Македонската пејачка Каролина Гочева веќе некое време е мета на сајбер-криминалци, кои го користат нејзиниот лик за да рекламираат козметички производи.

„CoraLift – ја подмладува кожата природно. Завршија деновите на ботокс инјекции и затегнување на лицето“, пишува на рекламата, на која има и фотографија на пејачката.

Сега Гочева се огласи на Инстаграм, каде потенцираше дека станува збор за лажна реклама и ги замоли нејзините следбеници да ја пријават кога ќе им се појави како објава на социјалните медиуми.

„Дечки, веќе некое време кружи оваа лажна реклама.

Повеќе пати се обидовме да ја пријавиме, но повторно се појавува од различни профили.

Важно е да знаете дека е лажна реклама, која го користи и го злоупотребува мојот лик.

Доколку не ви е тешко, ве молам да ја пријавите кога ќе ви се појави“, напиша таа во сторијата на Инстаграм.