Нашата претставничка на изборот за Мис на светот 2025, Чарна Невзати ужива во подготовките за големото финале во Индија кое е планирано да одржи на 31 мај во градот Хајдерабад, во кој фестивалските активности траат цел месец.

Чарна веќе 2 недели престојува во Индија, а ја имаше и честа да ја запознае Џулија Морли која е вистинска легенда во модниот свет, а која патем и стои зад изборот на Мис на светот.

Чарна редовно објавува фотографии на својот инстаграм-профил од хотелската соба се до забавите со моделите од целиот свет.

Покрај редовните активности, проби и фотосесии, Чарна ужива во посетата на локалното население, бројни свечени вечери и настани.

Чарна е 20-годишна студентка на Правниот факултет „Јустинијан Први“ во Скопје.

Професионално се занимава со моделинг, а зад себе има низа модни кампањи за познати домашни и светски брендови.

Чарна Невзати ќе биде дел од 72-от избор на убавина за „Мис на светот“ на кој ќе учествуваат 120 држави.