НФЛ ѕвездата и свршеник на Тејлор Свифт, Тревис Келси, е познат по неговиот интересен стил, а се чини дека не се плаши да игра според свои правила. Неговиот најнов моден избор, комбинација од сако и шорцеви, стана вирален хит и предизвика лавина коментари на социјалните мрежи.

Откако НФЛ на својот профил објави фотографија од Келси во спорната комбинација, корисниците на социјалните мрежи не штедеа зборови. Коментарите се разновидни, од шегаџиски до критички.

Еден од корисниците се запраша: „Како го пуштила Тејлор да излезе од дома да изгледа вака?“, алудирајќи на неговата врска со пејачката Тејлор Свифт. Друг додаде: „Изгледа како да го исушил костимот во сушара и тој се смалил“.

Некои се пошегуваа на сметка на инспирацијата за изгледот: „Тејлор го натерала овој човек да се облекува како британски ученик“, додека еден коментар гласи: „Се облекол како кум кој изгубил облог на ергенска забава“.

Иако повеќето коментари се хумористични или критични, се најдоа и такви што застанаа во одбрана на неговиот стил. „Само 2 проценти од мажите на оваа планета можат да носат шорцеви со костим… Се плашам дека Травис е еден од нив“, напиша еден обожавател.