Премиерот Христијан Мицкоски и владина делегација по повод 2 Август – Ден на Републиката положи цвеќе на споменикот на претседателот на Крушевската Република Никола Карев, на споменикот на АСНОМ во паркот „Жена Борец“ и на споменикот на првиот претседател на Президиумот на АСНОМ Методија Андонов – Ченто.

Мицкоски на граѓаните во куса изјава им го честиташе големиот празник и порача достоинствено да се прославува и да ги обединува сите граѓани:

-Овој ден нека нѐ потсетува на жртвата којашто генерациите ја оставиле за да може нашата генерација да го има ова што ние денеска го имаме слобона независна, држава Македонија. Нека нивната жртва не потсетува каква држава ние треба да оставиме на генерациите коишто следат после нас. Држава во којашто имаме среќни граѓани, држава која ќе биде просперитетна, држава која што ќе биде татковина на сите без разлика на етничката припадност. Овој ден нека не обединува, ова е ден за обединување, да се слави, и јас би рекол да ни е вековит денот, да го чествуваме достоинствено и напомош нека нѝ е Свети Илија, порача премиерот Христијан Мицкоски.