ФОТО | Христијан Бузалковски со подиум на ФИМ Европскиот шампионат
Изминатиот викенд во Хрватска се возеа првите две трки од ФИМ Европскиот шампионат и Алпе Адриа. Македонскиот мотоциклист Христијан Бузалковски настапи во класата Super Stock 1000.
Препорачано
Имаше одлични квалификации со време од 1.29.6 со грешка во последниот сектор, што му даде на датата одличен оптимален круг.
На првата трка заврши на четвртото место во Фим Европскиот шампионат иако на стартот влезе во гужва и го изгуби контактот со водечката група. Во втората трка се менуваа временските услови на секои 15 минути дожд, сонце и ветер.
Трката стартуваше и во првиот круг почна да врне и имаше црвено знаме по што влегоа во питстоп сите возачи. На рестартот Бузалковски излезе со гуми за суво иако дождот беше со мал интензитет, но проблемот со притисокот во гумата си го направи своето (излезе со поголем притисок) и гумата прегреа и после 5,6 круга задната гума се истроши и немаше грип. Сепак успеа да ја задржи втората позиција на ФИМ Европскиот шампионат и шестата позиција на Алпе Адриа.
Добар старт на сезоната, сега останува Бузалковски да се подготви за следната трка во Панониа ринг, Унгарија.
