Комичарката Челзи Хендлер и актерот Ралф Фајнс ги поттикнаа гласините за романтична врска откако беа видени заедно забавата по доделувањето на Оскарите. Челзи и Ралф присуствуваа на забавата организирана од „Венити фер“ во Беверли Хилс, од каде заедно си заминаа.

Челзи, која блескаше во долг фустан во боја на шампањ, го држеше актерот под рака и носеше чаша пијалок во раката. Актерот за сето време ја гледаше со насмевка. На фотографиите изгледаа многу блиски, па многумина почнаа да шпекулираат дека меѓу нив има нешто повеќе од пријателство.

Инаку, Фајнс беше номиниран за Оскар во категоријата најдобар актер за филмот „Конклава“, а истата награда годинава ја доби и Адриен Броди.

Претходно оваа година, Челзи и Ралф изведоа заеднички скеч на доделувањето на наградите за избор на критичарите. На церемонијата на доделување на наградите, тие ја рекреираа популарната сцена од филмот „Малечка“ (Babygirl), во која глуми Никол Кидман. Станува збор за сцена во која Никол, која го толкува ликот Роми, каде пие млеко од чаша што и ја испрати практикантот Семјуел (Харис Дикинсон) со кој е во љубовна врска. Па, така Челзи испи полна чаша млеко по наговор на Фајнс.

„Малечка“ е еден од моите омилени филмови оваа година затоа што сакам сè што прави Никол Кидман, па дури и ме инспирираше да ангажирам нов, „секси практикант“, започна таа, а потоа зеде чаша млеко. „О, ова е дефинитивно од него, благодарам“, рече таа и го испи млекото. Потоа ѝ се придружи Фајнс, кој беше во улогата на Семјуел. „Добро девојче“, повтори тој неколку пати.

Инаку, Хендлер неодамна изјави дека е во врска, но не откри за кого станува збор.

„Имав јавна врска и порано – мојата последна врска. Ова е повеќе за почитување на неговата приватност. Не сакам да биде изложен на мојот свет”, рече таа во подкаст, алудирајќи на нејзината последна врска со комичарот Џо Које. Таа додала дека своето ново момче го запознала „одамна“, но дека нè започнале романтична врска се додека таа не го поканила на патување во Мајорка.

„Тој е убав, одличен и толку грижлив“, истакна таа.