Фото: Инстаграм

ФОТО | Драган Спасов – Дац ги дувна роденденските свеќички: „Кој би рекол дека овој дечко полни 62 години“

Актерот и пејач Драган Спасов – Дац наполни 62 години. По тој повод на заедничкиот Инстаграм профил на Александар и Дац, беше објавена фотографија на која Дац е фотографиран со балони и торта на која стоеја свеќичките со неговиот број на години, 62.

„Кој би рекол дека овој дечко денес полни 62. Среќен роденден на нашиот Дац“, стои на објавата на нивниот Инстаграм профил.

Инаку, Драган Спасов-Дац е роден на 20 април 1963 во Скопје. Тој е македонски театарски, филмски и телевизиски актер и пејач. Дипломирал на Факултетот за драмски уметности во Скопје, Универзитет „Св. Кирил и Методиј“, во класата на проф. Слободан Унковски.

Од 1992 до 2016 г. работел како актер во Драмски театар – Скопје, а до сега има остварено бројни и значајни улоги во театарски претстави, филмски и телевизиски проекти. Во 2016 г. преминал во ансамблот на Македонскиот народен театар како директор, а во 2018 година повторно се враќа во Драмски театар – Скопје.

Дац во 2019 година, ја започнува својата музичка кариера, формирајќи го дуото „Дац и Александар“ со Александар Митевски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот