ФОТО | Демонстранти вандализираа позната скулптура на Дега
Двајца демонстранти против климатските промени, облечени во костуми, ги извалкаа со боја витрината и постаментот на која е изложена скулптурата „Мала танчарка на возраст од 14 години“ на францускиот уметник Едгар Дега, во Националната галерија на уметностите во Вашингтон.
Препорачано
Протестот, кој се случи во утринските часови, имаше за цел повторно да го сврти вниманието на климатската криза. Демонстрантите, побараа од претседателот Џо Бајден да прогласи климатска вонредна состојба, како и да престане да издава нови дозволи и субвенции за дупчење на фосилни горива. Уапсени се двете лица, идентификувани како Тим Мартин (54) од Рали, Северна Каролина и Џоана Смит (53) од Бруклин.
A work of art in our collection, Degas’s original “Little Dancer Aged Fourteen,” was attacked with paint today. It was protected in a case and we are evaluating it now.
We unequivocally denounce this behavior and will share information as it emerges.
Message from our director: pic.twitter.com/x2YrrPzaGE
— National Gallery of Art (@ngadc) April 27, 2023
„Делото е отстрането за да може нашиот стручен тим за конзервација да ја процени потенцијалната штета. Го осудуваме ова однесување и ќе продолжиме да споделуваме информации кога ќе станат достапни“, рече директорката на музејот, Кејвин Фелдман, во видео објава на Твитер.
Портпаролот на „Прогласи вонредна состојба“, нагласи дека протестот бил поттикнат од страв и загриженост за тоа како децата нема да ја добијат истата климатска заштита како уметничките дела во музеите.
„Ја разбираме вредноста и важноста на уметноста во нашето општество, а исто така знаеме дека таа и сето она што го сакаме е загрозено ако не се справиме со климатската вонредна состојба со итноста што ја заслужува“, порача портпаролот на „Прогласи вонредна состојба“ преку е-пошта за „Арт Њуз“.
Протестот во „Националната галерија на уметноста“ во Вашингтон следи по неколку други протести за заштита на климата од различни организации низ музеите во Европа, Австралија и Канада. Демонстрантите често се насочени кон уметнички дела од висок профил, како што се слики од Вермер, Гоја, Моне, Ван Гог и Рубенс. Италијанските политичари се залагаат за парични казни поврзани со неодамнешните протести во кои беа вклучени јавни споменици, а двајца активисти во Белгија беа осудени на два месеци затвор во ноември минатата година за вандализмот врз „Девојката со бисерна обетка“ на Вермер во Хаг.
