Дејвид и Викторија Бекам слават 26-годишнина од бракот, а по тој повод, поранешниот фудбалер сподели серија фотографии од нив низ годините, заедно со честитка до својата сопруга.

Бекамови се еден од најдолготрајните познати парови во светот, а откако се запознаа во 1996 година, рекоа дека било љубов на прв поглед и се венчаа три години подоцна.

 

View this post on Instagram

 

A post shared by David Beckham (@davidbeckham)

Споделувајќи фотографии од нив заедно низ годините, Дејвид напиша: „Денес се навршуваат 26 години откако ми рече „Да“. Среќна годишнина и ти благодарам што ми ги даде нашите прекрасни деца и што го изгради животот што го имаме заедно.“

Викторија разговараше со британскиот „Вог“ во 2016 година за тоа кога го видела Дејвид за првпат и како почувствувало дека тоа е „љубов на прв поглед“.

„И да, љубовта на прв поглед постои. Ќе ви се случи во салонот на играчите на Манчестер Јунајтед – иако малку ќе се опиете, па точните детали се нејасни“, рече таа во тоа време.

Викторија Адамс и Дејвид Бекам се запознале во 1996 година, во време кога Викторија уживала голема слава со другите членови на британскиот бенд „Спајс Грлс“. Потоа Дејвид имал успешна фудбалска кариера како играч на Манчестер Јунајтед.