ФОТО: Дехари го развиори македонското знаме на свечената церемонија на отворање на ЗОИ во Пекинг
Алпскиот скијач Дардан Дехари го развиори македонското знаме на свечената церемонија на отворањето на 24. Зимските олимписки игри во Пекинг.. Македонија по осми пат учествува на ЗОИ, по она наше деби во Лилехамер 1994 година.
Препорачано
Македонија на ЗОИ во Пекинг ќе биде претставена од тројца спортисти, Дехари, Ана Цветановска и Ставре Јада кои ќе настапат во нордиско скијање.
На свечената церемонија на стадионот „Птичје гнездо“ се појавија само двајца македонски претставници, знаменосецот Дехари и неговиот тренер Антонио Ристевски, додека Цветановска и Јада поради контакт со нивниот тренер Борче Јовановски кој е позитивен на коронаворус се во изолација.
Дардан Дехари ќе настапи на трките во слалом и велеслалом (13 и 16 февруари), Ана Цветановска во нордиско скијање ќе настапи во дисциплините 7,5 км слободно плус 7,5 км скијатлон и 10 км класично (5 и 10 февруари), како и Ставре Јада исто така во нордиско скијање и тоа во дисциплините спринт слободно 1,5 км и на трката 50 км слободно (8 и 19 февруари).
