Најдобриот македонски атлетичар, Дарио Ивановски ја победи големата конкуренција и го освои Скопскиот маратон. Ивановски маратонската делница ја помина за 2:14:50 часа.

Во драматичен финиш, македонскиот атлетичар успеа да го совлада својот главен конкурент – Кениецот Џулиус Кипкоч, кој на целта пристигна околу половина минута подоцна.

На победничкиот подиум во машката конкуренција им се придружи и Давити Харазвишили од Грузија, кој заврши на третата позиција.

За Ивановски ова е втора победа во Скопје, откако славеше и во 2021 година, тогаш со време над 2:21 часа. Втор најдобро пласиран Македонец годинава беше Жан Тосев, кој го освои шестото место во вкупниот пласман.

Преземено од: Спорт.ком.мк