Британскиот актер Том Холанд ги изненади обожавателите со неверојатната трансформација за неговата улога во краткиот филм „ЛЕГО Никогаш не престанувај да играш“ (LEGO Never Stop Playing).

Имено, 29-годишниот актер, познат по улогата во Спајдермен, се појавува во различни улоги во новиот филм, а поради периките, костимите и протезите, дури и најголемите обожаватели не можеа да го препознаат.

Холанд се трансформираше во русокос фудбалер, бизнисмен, стар градинар, па дури и ќелав корпоративен директор, а најновата трансформација ги остави обожавателите без зборови.

Патем, неговите браќа Хари и Сем исто така се појавуваат во филмот, играјќи улоги на спортски новинари.

„Обожавав да си играм со ЛЕГО коцки со моите браќа уште од мал. Беше прекрасно да се сетам на тие времиња со нив на снимањето. Без разлика колку беше зафатен животот, никогаш не престанав да играм“, изјавил Холанд за „Дејли мејл“.

Познат актер Том Холанд откри дека се бори со АДХД и дислексија: „Може да биде страшно …“