Англискиот фудбалски клуб Челси беше активен ова лето. Но, за разлика од претходните трансфер рокови кога Челси претежно трошеше огромни суми пари, ова лето тие исто така заработија доста пари.

На листата на петте клуба што заработија најмногу од продажба на играчи, Челси е на прво место со приход од 342 милиони евра.

Касата на Челси ја наполнија – Нони Мадуеке, Жоао Феликс, Кристофер Нкунку, Ѓорѓе Петровиќ, Лесли Угочукву, Кирнан Дјусбери-Хол, Ренато Веига, Армандо Броја и Кирни Чуквемека, како и позајмицата на Николас Џексон во Баерн Минхен.

Втор на листата е Борнмут, кој ги продаде своите клучни одбранбени играчи – Дин Хаусен, Илија Забарњи и Милош Керкез – за големи пари, па следува Баер Леверкузен, кој заработи 125 милиони евра само од Флоријан Вирц кој одлучи да се пресели во Ливерпул.

Четврти е Ливерпул, кој исто така добро се снајде по продажбата на Луис Дијаз, Дарвин Нуњез и Харви Елиот, додека Њукасл е на петтото место, секако, поради продажбата на Александер Исак на Ливерпул.

Chelsea earned more income from transfer fees than any other club in world football this summer 😳💰🔵 pic.twitter.com/SIdSYrQIkZ

— OneFootball (@OneFootball) September 1, 2025