Вршителот на должноста бугарски премиер Димитар Главчев лично се искачил на планината Витоша над Софија за да ја провери проодноста и своите впечатоци ги објави на личниот профил на Фејсбук. Вчера требаше да почне скијачката сезона на Витоша, но поради снежните наноси патиштата беа тешко проодни и се создадоа колони возила на пат кон ски-центарот. Дел од патиштата беа блокирани и поради паднати дрва.

„Велат дека Општината не исчистила, а ние решивме да провериме. Никој не ја „исчистил“ патеката на Бојан Петров. Трасата на јавниот превоз до „Златни мостови“ беше исчистена „до асфалт“, а нагоре беше речиси непроодна угорнина (правец „Момина карпа“, како и кон „Копита“), напиша Главчев.

Поради врнежи од снег утринава се затворени двата патни правци кон планината. Запрено е и движењето на автобусите 61 и 66 додека не се исчистат проблематичните места, соопштија претходно од општината.

Бугарското МВР вчера по 14 часот соопшти дека патиштата кон Витоша се отворени.

Од 19:00 ч. од „Витоша ски“ на Фејсбук објавија дека патот до областа Бај Крсто е во многу добра состојба, горниот дел од патот, блиску до кракот Лалето, е во добра состојба, но кон бараката „Алеко“ сè уште не е добро расчистен.

БНТ утрово објави дека продолжува чистењето на патот Драгалевци – колиба „Алеко“, каде паднале 6 тешки дрвја.

Бугарската Елекстродистрибуција соопшти дека поради снежните врнежи во Западна Бугарија без струја има вкупно 90 населени места. Меѓу нив се и Софија, софиската област, ќустендилско, Ловеч и Враца.