ФОТО | Били Ајдол доби ѕвезда на Булеварот на славните во Холивуд
Били Ајдол е панкрок-музичар од Велика Британија, кој првата популарност ја стекна во лондонскиот бенд „Генерација X“, а вистинската слава како соло-пејач во САД, градејќи соработка со извонредниот гитарист Стив Стивенсон и снимајќи спотови за неговите хитови, кои станаа многу популарни на каналот Ем-ти-ви.
Британскиот пејач Били Ајдол ја доби својата ѕвезда на Булеварот на славните во Холивуд. Досега ваква почит добија 2.743 познати јавни личности.
Препорачано
View this post on Instagram
„Навистина е лудо да се сфати дека добивам ваква награда. Едноставно, вакво нешто никогаш не можев да замислам“, изјавил Били.
View this post on Instagram
Славниот пејач досега има продадено повеќе од 40 милиони албуми ширум светот и беше една од првите ѕвезди на MTV во 1980-тите.
View this post on Instagram
Вистинското име на овој британски панкрок-музичар е Вилијам Мајкл Алберт Броуд. Роден е на 30 ноември 1955 година. Од најмали нозе е голем обожавател на панк-легендите „Секс пистолс“ и всушност преку нив се заразува со рок и панк-музиката. Музичката кариера ја започнува од крајот на седумдесеттите години на 20 век, како пејач на групата „Генерација X“, со која снима три музички албуми. Иако тие како музичари му припаѓаа на панк-движењето, тематски повеќе се потпираат на наследството на британските рок-групи од крајот на 1960-тите години, отколку на тогаш актуелниот бунтовен панк.
