Рибарот Јакуб Вагнер собори уште еден чешки рекорд. Тој улови сом долг 2,6 метри, надминувајќи го својот минатогодишен рекорд за четири сантиметри.

Тој се пофали со својот неверојатен улов на социјалните мрежи и опиша како ја надминал монструозноста, објавува „Иднес“.

Интересно е што само еден ден претходно, Јакуб уловил сом долг 2,5 метри, додека новиот рекорд беше поставен во раните утрински часови.

„Ловот на големи риби не е само страст. Тоа е прашање на морал, посветеност и решителност. Го земам последното парче чоколадо и се упатувам кон водата. Баш сум исцрпен и функционирам на автопилот. Минувам покрај карпите и гледам сом долг околу еден метар“, ја започнал својата приказна.

Јакуб решил да си ја проба среќата на езерото Врановско.

„Се приближив до карпите и видов големо парче ‘дрво’. Ми се чинеше чудно, бидејќи не го бев видел претходно. Одеднаш ‘дрвото’ се помрдна и сфатив дека станува збор за огромен сом“, опишал тој.

Искусниот рибар ја фрлил јадицата и трпеливо чекал.

„Десет минути ништо не се случи. Одеднаш, сомот се упати право кон мамката! Следеше жестока борба. Се бореше, зеде метри најлон, и покрај затегнатата сопирачка. Не можев ништо да направам, се мачев да го држам стапот“, изјавил тој.

По тешка борба, која траеше 50 минути, Јакуб победи.

„Не е само неговата должина импресивна, туку и неговата брутална висина и ширина. Никогаш не сум бил толку исцрпен. Дишам како по маратон и не можам да им верувам на очите“, додал тој.