Археолошкиот музеј на Каталонија во Барселона во саботата ги отвори вратите за нудисти, овозможувајќи им на заинтересираните специјална обиколка во текот на која тие можеле да прошетаат низ просториите и да ги видат експонатите без облека.

Турата од 90 минути е организирана во соработка со каталонскиот натуристички клуб.

Посетителите ја погледнале изложбата на фотографии на Луиџи Спина Бронко од Риаче. На фотографиите се прикажани две огромни грчки бронзени статуи на голи воини од 5 век п.н.е., кои се откриени во 1972 година во морето во близина на калабрискиот град Риаче.

„Сакавме турата да ја направиме поинтересна, а не типична обиколка со водич“, рече водичот Едгар Местре, кој сам ја обиколи изложбата без облека.

„Сакавме посетителите кои доаѓаат да ги погледнат експонатите да се чувствуваат исто како и делата што ги гледаат.“

На веб-страницата на музејот на посетителите им се нуди можност „да се восхитуваат на изложените дела и да бидат во иста ситуација како и статуите, целосно голи и опкружени со голите тела на другите луѓе“.

„Искуството е исто како и гледањето дела во облека, но разликата е во тоа што можеби вака подобро разбираме дека голотијата отсекогаш постоела и дека голите човечки тела не треба да бидат срамота“, рекла здравствената работничка Марта, една од нудистите од групата.

Barcelona museum throws open its doors to nudist visitors https://t.co/hRFqDh0jHk pic.twitter.com/UPl4Q0RBLM

— Reuters (@Reuters) October 29, 2023