Анџелина Џоли ја поддржа нејзиното момче Акала на премиерата на филмот „Марија“ на 68. BFI London Film Festival во Royal Festival Hall во Лондон во петокот.

Американската холивудска ѕвезда ги подгреа гласините за романсата со британскиот рапер кога беа видени како го напуштаат нејзиниот хотел за време на меѓународниот филмски фестивал во Венеција во август. Таа е видена во јавноста неколку пати со Акала додека нејзиниот бурен развод со Бред Пит сѐ уште трае, иако извори за магазинот „Пипл“ тврдат дека тие двајца се само пријатели.

Од друга страна, „Ин тач“ (In Touch) пишува дека актерката и музичарот се гледаат околу една година. Тие беа во мај минатата година на Литературниот фестивал во Јамајка, каде што се појавија Шајло и Захара, кои според странските медиуми се во одлични односи со раперот. Тој беше многу заштитнички настроен кон нив, а таквиот однос кон нејзините деца ѝ е многу важен на Анџелина.

„Со текот на годините тие соработуваа на неколку проекти кои се фокусираат на глобалните прашања, како што се човековите права. Анџелина секогаш зборува високо за него“, тврди извор на магазинот „Пипл“ и доддава дека „Анџелина моментално е сингл и не е во сериозна врска“.

Анџелина на премиерата на филмот во кој ја толкува славната Марија Калас пристигна сама, но набргу по неа на црвениот тепих прошета и Алкал. А дали е пријателство или нешто повеќе, времето ќе покаже.