Македонската пејачка Александра Јанева наскоро ќе стапи во брак со нејзиниот вереник, ракометарот Иван Ангелов, и двојката ќе направи голема свадбена прослава.

Непосредно пред свадбата, која ќе се случи кон средината на август, пејачката замина на момински викенд со најдобрите пријателки во Белград.

Според фотографиите, девојките навистина се забавувале и поминале незаборавна вечер во еден белградски сплав, а потоа и на забава покрај базен.

„Викенд со избраното семејство“, напиша пејачката во описот на видеото.

Да потсетиме, Александра Јанева му кажа „да“ на нејзиното долгогодишно момче Иван Ангелов во ноември минатата година, за време на нивното романтично патување во Париз, Франција.

„Се запознавме преку заеднички пријатели, но љубовта се роди подоцна, кога двајцата почнавме да комуницираме сами, без посредници. Уште пред да се запознаеме, тој имал плејлиста на неговото УСБ во автомобилот со неколку мои песни и се уверив дека ги знае и ги сака повеќето мои песни по нашето запознавање. И двајцата сме си голема поддршка еден на друг, се мотивираме заеднички, ги славиме заеднички нашите успеси, но и заеднички се тешиме кога нешто не оди според планот“, раскажа Јанева во интервју за „Слободен печат“ пред неколку месеци.