Возачот на „Ред Бул“, Макс Верстапен го освои денеска првото место во квалификациите и обезбеди пол позиција на Формула 1 трката за Големата награда на Саудиска Арабија.

Трикратниот последователен светски шампион го извозе најдобриот квалификациски круг со резултат 1:27.472 мин.

Возачот на „Ферари“, Шарл Леклер ја зазеде втората стартна позиција на саботната трка со 0,319 секунди побавно зад најдобриот, додека Серхио Перез од „Ред Бул“ ќе стартува трет, со 0,335 секунди зад првопласираниот.

Возачот на „Астон Мартин“ Фернандо Алонсо заврши четврти, а возачите на „Мекларен“ Оскар Пјастри и Ландо Норис ќе стартуваат како петти, односно шести.

Џорџ Расел и Луис Хамилтон од „Мерцедес“ завршија седми и осми, возачот на „РБ“ Јуки Цунода деветти, а Ленс Строл на „Астон Мартин“ на 10 место.

Големата награда на Саудиска Арабија ќе се вози во сабота на патеката Џеда од 18.00 часот.