Возачот на Ред Бул, Макс Верстапен е победник на Големата награда на Кина, петта трка во овогодинешната сезона во Формула 1.

Трикратниот светски шампион дојде до својата четврта победа во пет трки оваа сезона, откако триумфираше со повеќе од 10 секунди предност над Ландо Норис во Мекларен, а трет беше вториот возач на Ред Бул, Серхио Перез.

Верстапен ја забележа 58 победа во кариерата и потврди дека е главен фаворит за освојување на четвртата светска титула во низа.

Холанѓанецот сега е на врвот во генералниот пласман со 110 бодови, а го следи Перес со 85.

Овогодинешниот шампионат во Формула 1 продолжува со Големата награда на Мајами од 3 до 5 мај.