Српскиот дистрибутер на автомобилите „Форд“ соопшти дека одреден број возила од моделот „Куга“ се повлекуваат од српскиот пазар, јавуваат српските медиуми. Тие се дел од околу 26.000 звтомобили „Куга“ произведени од 2019 до 2025 година, кај кои постои ризик од повреда на возачот и патниците поради проблем со батеријата. Засега не се знае колку точно такви автомобили се возат во Србија.

„Кај засегнатите возила, поради производствен дефект, внатрешниот сепаратор на батериите може да се оштети со текот на времето поради повторени циклуси на полнење и празнење на ќелиите, што може да доведе до развој на внатрешен краток спој во високонапонските ќелии на батериите, што може да резултира со губење на моќноста на возењето, со што се зголемува ризикот од несреќи и повреди“, се вели во соопштението за повлекување на производот.

Бројот за повлекување од крајниот корисник 24S79 беше објавен од производителот и вклучува бесплатна поправка на возилото во овластена сервисна мрежа на „Форд“.