Фудбалерот за врска во нападот, Меметриза Хамза е првото засилување на ФК Струга во пресрет на пролетната сезона.

Хазам денеска пристигна во Струга каде беше претставен од спортскиот директор на клубот, Бесарт Исаку.

Овој 20-годишен играч во тимот доаѓа од редовите на Башкими, а токму настапите во дресот на кумановската екипа ги натераа првите луѓе на Струга да реагираат побрзо со надежи дека фудбалерот ќе ја продолжи добрата форма, помагајќи му на тимот да ги оствари целите.

Првите чекори ги направи во Академијата на Шкендија од Тетово. Токму со овој тим дебитираше во Првата лига во 2023 година, на само 19 години, за да ја продолжи кариерата на позајмица во Беса е Добри Дол.

Струга го заврши есенскиот дел во Првата македонска лига на петтото место.