Со стартот на подготовките за вториот дел од сезоната екипата на Работнички промовираше и три нови засилувања.

Одбраната на „романтичарите“ ќе биде посилна за Стефан Деспотовски кој доаѓа од српски Графичар, а во минатото ја помина и школата на Црвена Звезда. Конкуренција на голот на Игор Алексовски ќе биде поранешниот голма на Вардар Филип Илиќ кој доаѓа во клубот од Дебар Маало по шест месеци без ангажман.

Кире Маркоски е повратник во Работнички. Маркоски доаѓа на местото на Методи Максимов кој се пресели во Шкендија, а во наредниот период се очекуваат да пристигнат и уште неколку нови имиња во Работнички.

Покрај споменатиот Максимов Работнички во овој преоден рок го напуштија уште Арменд Алими, голманот Бојан Тимовски и стоперот Анреј Кировски.