Финската полиција објави дека се пронајдени траги од сидро што се влечело со километри по дното на Балтичко Море и ги скинало каблите за струја и за телекомуникации.

Сомневањата се дека танкерот „Игл“ што плови под знаме на Куковите Острови, ја предизвикал хаваријата во фински води. Офицери од финската полиција и крајбрежната стража упаднаа на бродот за да спроведат темелна истрага.

Земјите што излегуваат на Балтичко Море се вознемирени порази зачестените прекини на енергетските и комуникациските инсталации на дното, особено откако Русија во 2022 година изврши воена инвазија врз Украина. НАТО во петокот објави дека ќе го засили присуството во регионот.

Во средата на пладне бил прекинат струјниот кабел „Естинк 2“ со моќност од 658 мегавати помеѓу Финска и Естонија и тешко дека ќе биде обновен до август в година. Двете земји останаа поврзани со кабелот „Естинк 1“ од 358 мегавати.