Сопственикот на Милан, инвестицискиот фонд Елиот одлучи да ги покрие долговите кои настанаа во италијанскиот тим поради пандемијата на коронавирусот со финансиска инјекција од 130 милиони евра.

Како што известуваат италијанските медиуми, операцијата е спроведена преку команијата „Rossoneri Sport Investment“ која е основана во Луксембург, со цел да се надоместат загубите кај лидерот во Серија А кои поради пандемијата на коронавирусот за две години достигнаа 290 милиони евра.

Инвестицискиот фонд Елиот чиј прв човек е милијардерот Пол Сингер, пред три години ја презеде контролата над Милан за 172 милиони евра и се согласи да ги покрие долговите на „росонерите“. Досега фондот Елиот во Милан вложи 833 милиони евра.