„Не е проблем тоа што Венко Филипче отишол на одмор, секој човек тоа го заслужува. Не е ни проблем локацијата каде се наоѓа одморот. Проблемот е лицемерието кое го шират и друштвото во кое се наоѓа Венко Филипче. Додека на „Бихаќка“ штанцаат соопштенија за тоа колку лошо се живее во државата, гледаме како Филипче одлично живее“, изјави денеска Миле Лефков, пратеник и член на ИК на ВМРО-ДПМНЕ.

„Додека Венко Филипче и СДС имаат лажно душегрижништво за правата на работниците, велат дека има ниска минимална плата и притоа велат дека знаат како му е на народот, го гледаме Венко Филипче во друштво на Зоран Заев на јахта во Грција. Проблемот е што криминалниот тандем Заев и Филипче уживаат со украдени пари од народот во Грција на скапи јахти“, рече Лефков.

„Венко Филипче треба да одговори чија е јахтата на која плови тој и Заев, дали е негова, на неговиот поранешен шеф или на фирми поврзани со нив? Доколку јахтата е на него или на Заев колку чини истата и на кој начин е купена? Со ова Венко Филипче докажува дека е само привезок на Зоран Заев“, додаде пратеникот од ВМРО-ДПМНЕ.