Голем проблем за фудбалската репрезентација на Англија, Фил Фоден, еден од најдобрите играчи во овој тим го напушти таборот на Гордиот Албион.

Ден откако Англичаните го завршија натпреварувањето во групата Ц со пет бода и по ремито против Словенија (0:0) на Европското првенство, селекторот Герет Саутгејт остана без еден од своите најдобри играчи.

Фоден, фудбалерот на Манчестер сити го напушти таборот на Англија, а првично беше наведено дека тоа е од семејни причини.

Како што потврди менаџерот на Сити, Пеп Гвардиола, Фил со својата избраничка чека трето дете. Таа наскоро треба да се породи, поради што фудбалерот на „граѓаните“ го напушти таборот на тимот.

Англија се надева дека Фоден ќе биде подготвен за осминафиналето на ЕП. Англичаните ја чекаат Холандија или третопласираната селекција од групата Е, а натпреварот ќе се игра на 30 јуни во Гелзенкирхен.