На Клиника за неврологија и на Клиника за психијатрија во канцеларии на најмалку две докторки специјалисти се правени претреси утринава, а во врска со незаконско фиктивно доделување инвалидски пензии, со што е оштетен буџетот на ПИОМ, дознава „Слободен печат“.

Докторката С.Л. од Клиниката за неврологија при клиничкиот центар „Мајка Тереза“ не се појавила на работа утринава, но полицијата ја претресувала нејзината канцеларија, велат за „Слободен печат“ извори од клиниката. Неофицијално претрес е правен и кај поранешен директор на скопска болница.

Под раководство на јавен обвинител од Основното јавно обвинителство за гонење на организиран криминал и корупција (ОЈО ГОКК), Министерството за внатрешни работи (МВР) денеска спроведува координирана акција на повеќе локации низ државата.

„Станува збор за основано сомнение за сторени повеќе кривични дела со кои е сторена штета на Фондот за здравство“, велат од ОЈО ГОКК.

Во тек е голема полициска акција, се претресува на повеќе локации