Фудбалерите во последно време сè почесто се жалат во јавноста дека играат премногу натпревари и дека им е потребен одмор.

Родри од Манчестер сити и Карвахал од Реал Мадрид последни зборуваа најавувајќи дека тие се спремни и да штрајкуваат.

Но, легендарниот Луис Фиго сега се огласи во јавноста и порача дека ако фудбалерите сакаат помалку натпревари, тогаш треба и да им се намалат платите.

„Секако дека ова е комплицирана тема за дискусија. Играчите имаат договори, а на нас е да го пронајдеме најдоброто решение. Логично е да има сè повеќе натпревари, порастот на платите наметнува такво нешто. Колку повеќе натпревари, толку поголеми договори можат да си дозволат клубовите. Ако се намали бројот на натпревари тогаш и платите мораат да бидат пониски. Затоа е потребно да се направи баланс, но тој е тешко да се најде“, изјави Фиго.

Алисон за новиот формат во ЛШ: Никој не ги прашува играчите, нашето мислење можеби не е важно