Ферги имаше четворица миленици кои беа ослободени од познатиот „фен“
Поранешниот фудбалер на Манчестер јунајтед, Рајан Гигс, откри дека легендарниот менаџер на „црвените ѓаволи“ имал свои миленици помеѓу играчите кои никогаш не го почувствуваа нековиот бес во соблекувалната.
Актуелниот селектор на Велс, целата своја кариера ја помина во Манчестер јунајтед и тоа играјќи за само еден тренер, сер Алекс Фергусон.
Препорачано
Гигс смета дека Фергусон имал различен однос со своите фудбалери, имал свои миленици кои никогаш не го почувствувале неговиот познат „фен“, поточно излив на нервоза во соблекувалната и во тие моменти не ретко и фрлал одредени работи кои играчите.
Најпознат е случајот со Дејвид Бекам кој доби копачка во лицето од Фергусон.
– Мислам дека сер Алекс ги сакаше добрите фудбалери и беше попустлив кон нив. Мислам дека само четворица го избегнаа неговиот „фен“, како што ние го нарекувавме неговото внесување во лице и гласните предупредувања. Тоа секогаш се случуваше кога Фергусон сметаше дека некој играч не игра како што треба.
Еден беше Кантона. Имаше натпревари кога Ерик не направи ништо на нив, не даде гол или асистенција, дури не се ни трошеше во одбраната како на пример Руни или Тевез. И кога седевме во соблекувалната по натпреварот, со тивок тон коментиравме дека ќе го почувствува гневот на Фергусон. Но, ништо не се случи. На наредниот натпревар Кантона ќе постигнеше гол или ќе креираше некаква магија. Останатите тројца беа Брајан Робсон, Рој Кин и Кристијано Роналдо. сер Алекс големите ѕвезди ги третираше на посебен начин бидејќи знаеше дека ќе му се оддолжат на теренот – изјави Гигс.
