Maкедонскиот шампион МЗТ Скопје славеше на гости кај Феникс со 77-85 во рамките од 21. коло во Првата македонска лига.

Актуелниот шампион и фаворит во натпреварот работата ја заврши уште во првото полувреме.

На одморот МЗТ замина со предност од 15 разлика 31-46 и до крајот успеа да ја одржи таа предност.

Феникс беше подобар во третиот период кој го доби, но само со шест поени разлика што не беше доволно. Во последната четвртина МЗТ одново заигра подобро и не дозволи некаков пресврт.

Едвин во редовите на МЗТ беше најефикасен со 21 поен, Магдевски уфрли 16, додека за Феникс Адетукаси и Димитриев постигнаа по 15.