Eкипата на Феникс приреди изненадување во последното коло од оваа година во Првата лига и на домашен терен славеше над Работнички со 73:71 во натпревар кој имаше драматична завршница.

Избраниците Денис Дервишевиќ така дојдоа до четвртата победата сезона во која имаат и осум порази. Но, за нив ова е втор триумф во низа откако во минатото коло славеа над Шкупи.

Работнички одигра најдобро во втората четвртина во која обебеди предност од 29-31 на паузата. Во второто полувреме дојдоа и до 15 поени предност, но тоа не беше доволно.

Феникс успеа да се врати во 35. минута да го преземе водството кое го задржа до крајот за победа од 73:71.

Најефикасен во составот на Феникс беше Димитриев со 17 поени, додека Бертранд постигна 14. Во редовите на Работнички Шошкиќ запиша 16 поени, Ефремовски додаде 15.