Фудбалскиот клуб Фенербахче и Жозе Мурињо нема да ја продолжат соработката, пренесуваат турските медиуми.

Договорот ќе биде раскинат по само една година на Португалецот во Истанбул.

Сопственикот на клубот Али Коч и Мурињо имаа состанок во Лондон и единственото нешто што остана да се разговара беше како ќе се случи раскинувањето, со оглед на тоа што Мурињо бара 15 милиони евра.

Тој го презеде Фенербахче во сензационален трансфер минатото лето, но не ја донесе долгоочекуваната титула.

Сезоната беше полна со скандали и исклучувања, а Галатасарај оваа сезона на крајот ја освои титулата.